18 iyun tarixində saat 08:30 radələrində Neft Emalı Zavodunun 31 saylı Katalitik Reforminq Qurğusunda yerləşən 211/1 saylı isti dəyişdiricinin üst qapaq hissəsində buraxılış nəticəsində yanğın hadisəsi baş verib.
Qanunmedia.az Trend-ə istinadən xəbər verir ki, bu barədə SOCAR Downstream MMC məlumat yayıb.
Bildirilib ki, hadisə dərhal nəzarətə götürülüb və Fövqəladə Hallar Nazirliyi Dövlət Yanğından Mühafizə Xidmətinin çevik müdaxiləsi nəticəsində yanğın tam söndürülüb.
Zavodun fəaliyyəti təhlükəsizlik tələblərinə uyğun şəkildə davam etdirilir və istehsalat prosesində hər hansı fasilə müşahidə olunmur.
Hadisənin səbəblərinin müəyyənləşdirilməsi məqsədilə araşdırma aparılır.
xxx
09:07
Bakı şəhəri, Nizami rayonunda yerləşən Neft Emalı Zavodunda yanğın başlayıb.
Qanunmedia.az Trend-ə istinadən xəbər verir ki, bu barədə FHN Mətbuat xidmətinin məlumatında qeyd olunub.
Əraziyə FHN-in Dövlət Yanğından Mühafizə Xidmətinin qüvvələri cəlb olunub.
Bildirilib ki, hazırda yanğının söndürülməsi istiqamətində tədbirlər davam edir.